日前（11月18日）由博爱医院主办的《博爱SO ME SHOW MUSIC》头场在AXA x WONDERLAND安盛x 竹翠公园隆重举行，尹光打头阵出场尖叫声不断，当张天赋、魏浚笙、冯允谦现身时乐迷格外兴奋。
近日人气急升的尹光不时被集邮，他表示唱户外骚特别开心，计划搞户外演唱会：「我比较少户外表演，可以同公司倾吓！我想借呢个机会多谢投我票慨朋友，心入面已经好开心，我唱咗53年第一次参加叱咤，即使十强止步都唔会失望。」
新晋组合Me&第一次现场演唱，笑言自己值高分：「平时我哋练习都以120分做目标，就系怕现场甩辘！以为自己会好紧张，但原来上到台同观众互动，都觉得好爽想再有表演。」被问到最想同公司边位艺人合作，Me&表示「我哋想同ANSONBEAN、Jay Fung合唱，因为渠哋台风都好型，仲有Joyce，Joyce solo跳唱好犀利，我哋如果可以加入埋相信有新火花。之前Joyce都有透过经理人短讯我哋，渠系好Nice慨前辈，赞我哋MV跳得好，有大师姐鼓励自信心都多啲！」
Jay Fung话户外骚感觉好兴奋，大赞观众够晒反应，直言想搞个人户外演唱会：「我冇失望入唔到十强，因为都冇预期入12强慨！之前同Fans讲如果入到十强会Post『黑图』，不过依家都会找数，多谢渠地慨支持。」
魏浚笙一身礼服现身，Fans不停叫Encore气氛狂热：「今日系第三次户外表演，我觉得自己表现淡定咗！今年做咗好多唔同慨歌，已经尽咗力就可以，冇恨话年尾攞咩奖，现阶段出多啲歌先，过几日就推多一首，拍戏时邀请王菀之新MV有好多CG，但系出碟要十几只先可以谂。」
台上洪嘉豪自爆突然气管敏感，骚前突然呼吸困难，一度考虑辞演：「我之前都试过，但一直都搵唔到致敏原，食完药好咗啲，但对眼仲未消肿。其实入到12强都觉得自己几叻喇，寄望下一年做好啲，我最怕Fans唔开心，其实尽咗力就可以。」而陈蕾就话温度急降，搞到自己「声沙沙」：「今日彩排都有啲走音，MC就唔介意Fans摆上网，但我就想大家摆最好慨一段出嚟。」
MC对于队友演唱会在即，笑言未计划做嘉宾：「因为我都做过好多次嘉宾，呢个系渠地慨骚，比渠地自己揸主意啦，如果渠地邀请我都要问吓经理人先，虽然同公司都要问！（叱咤有冇信心？）一定有信心慨，但唔想比太大压力Fans，渠地有听我啲歌就够。」
《博爱SO ME SHOW MUSIC》11月18-19日举行，超过共33个表演单位参与演出，音乐会收益拨捐博爱医院青少年服务，令音乐会别具意义。
